ക്രിസ്മസ് സ്പെഷ്യല്‍ മട്ടന്‍ വരട്ടിയത്

ക്രിസ്മസിന് ഇപ്രാവശ്യം മട്ടന്‍ കൊണ്ട് ഒരു രുചികരമായ വിഭവം തയ്യാറാക്കാന്‍ റെഡി ആയിക്കൊള്ളു...

വേണ്ട സാധനങ്ങള്‍ :

മട്ടന്‍ - 1 കിലോ
സവാള – ഇടത്തരം 2 എണ്ണം
ഇഞ്ചി - ഒരു ചെറിയ കഷണം
വെളുത്തുള്ളി - 3 അല്ലി
ചുവന്നുള്ളി – 10 എണ്ണം
പച്ചമുളക് – 3 എണ്ണം
തക്കാളി – ഇടത്തരം 2 എണ്ണം
കാശ്മീരി മുളക് പൊടി – 1 ടേബിള്‍ സ്പൂണ്‍
മല്ലിപ്പൊടി – 1 1/2 ടേബിള്‍ സ്പൂണ്‍
ഗരം മസാലപൊടി – 1 1/2 ടീസ്പൂണ്‍
കുരുമുളക് പൊടി - മുക്കാല്‍ ടീസ്പൂണ്‍
കറിവേപ്പില - രണ്ടു മൂന്നു കതിര്‍
ഉപ്പ് , എണ്ണ , വെള്ളം - ആവശ്യത്തിന്

മട്ടന്‍ മാരിനേറ്റ് ചെയ്യുവാന്‍:
ഇഞ്ചി വെളുത്തുള്ളി പേസ്റ്റ് – 1 ടേബിള്‍സ്പൂണ്‍ വീതം
മഞ്ഞള്‍പ്പൊടി - ഒരു നുള്ള്, ഉപ്പ്- ആവശ്യത്തിന്....

ഗരം മസാല പൊടിയ്ക്കാത്തത്: ഏലയ്ക്കാ 3-4
കറുകപ്പട്ട -ഒരു ചെറിയ കഷണം
ഗ്രാമ്പൂ- 3

തയ്യാറാക്കുന്ന വിധം:

ആദ്യം മട്ടന്‍ രണ്ടു കഷണം കുടംപുളി ഇട്ടു നന്നായി കഴുകി ഉളുമ്പ് മണം മാറ്റി ഒരു പാത്രത്തില്‍ വെള്ളം വാര്‍ന്നു പോകാന്‍ വയ്ക്കുക.ഇനി ഇഞ്ചി വെളുത്തുള്ളിളി പേസ്റ്റും ആവശ്യത്തിനു ഉപ്പും മഞ്ഞള്‍പ്പൊടിയും പുരട്ടി അര മണിക്കൂര്‍ വയ്ക്കുക.

ഇനി ഒരു പാനില്‍ എണ്ണ ചൂടാക്കി പൊടിയ്ക്കാത്ത ഗരം മസാല ഇടുക.ഇതിലേക്ക് കറി വേപ്പിലയും കടുകും ഇട്ടു താളിക്കുക.ഇനി .സവാള ,കുഞ്ഞുള്ളി,ഇഞ്ചി ,വെളുത്തുള്ളി എന്നിവ അരിഞ്ഞത് ചേര്‍ത്തു വഴറ്റുക.ഇനി മുളകുപൊടി ചേര്‍ത്തു വഴറ്റുക .എന്നിട്ട്പച്ചമുളകും തക്കാളിയും കൂടി വഴറ്റുക.. മറ്റു മസാലകളും ചേര്‍ത്തു പച്ചമണം മാറുന്നത് വരെ വഴറ്റുക,ഇതിലേക്ക് മട്ടന്‍ ചേര്‍ത്തു ഇളക്കി ആവശ്യത്തിനു വെള്ളവും ഉപ്പും ചേര്‍ത്തു ഇളക്കി അടപ്പ് മൂടി വേവാന്‍ വെയ്യ്ക്കണം ...

ഏകദേശം മുക്കാല്‍ മണിക്കൂര്‍ വേവുണ്ട് ...വെന്തതിനു ശേഷം ചാര്‍ കുറുക്കി ഇടയ്ക്ക്കുറച്ചു എണ്ണ ഒഴിച്ച് കൊടുത്തു നന്നായി വരട്ടിയെടുക്കുക.രുചികരമായ മട്ടന്‍ വരട്ടിയത് തയ്യാര്‍...

ടിപ്സ് :

തക്കാളി ചേര്‍ക്കുന്നതിനു മുന്നേ മുളക് പൊടി വഴറ്റണം,അല്ലെങ്കില്‍ ശെരിയായി മുളക്പൊടി മൂത്തു വരികയില്ല..

ചുവന്നുള്ളി ഇല്ലെങ്കില്‍ സവാളയുടെ എണ്ണം ഒന്ന് കൂടി കൂട്ടിയാല്‍ മതി.

എരിവു കൂടുതല്‍ വേണമെങ്കില്‍ ആവശ്യം അനുസരിച്ചു കൂട്ടുകയും ചെയ്യാം.

എരിവു ആവശ്യം അനുസരിച്ചു കൂട്ടുകയും ചെയ്യാം.